Ma viûx Mimile !
Ej' sau bin content, j'vins d'rachter à la Zoé un bout de pré qu'elle ava pa dri d'chu nous, et tu sais bin qu'sa fait m'n'affaire à mi qu'aime bin les bêtes ed' penser qu'ej pourrau awoi des pouilles, des lapins, des canards et mînme des zauilles…
J'va leu faire des baraques pou s'mett' à co. Seulma y m'faura des bricoles, et c'est pou ça qu'ej t'awoye un papii avé la liste d'es qui m'faut.
Ej' sais bin qu'tu z'ai des r'lations à la ville ti, et d'puc on t'frait p'tête un prix.
N'est d'ces magasins là, quand on y met les pîids on n'woi pu persounne,…à s'demander à douesse qu'les vendeux sont passés.
N'est d'ces magasins là, quand on y met les pîids on n'woi pu persounne,…à s'demander à douesse qu'les vendeux sont passés.
Coume on arrive au jour d'l'an j'a profite pou vous la souhaiter bounne à tertous ! tu sais bin qu'on n'fait pon d'chiquet entre nous…et qu'ej s'rai bin content ed'sawa qu'ça va chu vous, qu'nest pon de malades, et qu'les z'afants travaillons bin à l'icole…Ah! ah! si seulema c'jour la état d'ja passé!
Dire qu'c'est la mînme ranguain'n tous les z'ans, et qu'na n'est qui t'la souhaitons, et qui vourint d'ja t'woir bouffer les pichalits pa la racine !
Et ceux la, qui profitons pou t'faire avaler leu mauvaise goutte !
Ej' sais bin, qu'da l'ta c'état yaûque pou nos viûx es' jour là, et qu'nava des abrassades à na pu fini !
Allé va n'parlons pu d'tout ça, et n'oublie mi ma baraque à pouilles !
a
a
a
