Tin! J'ai un copain qu'ai té s'faire consulter, d'vinez un peu combin qui prend d'médicaments tous les jours...un' dizaine ? un' quinzaine ? Un' vingtaine p'tète ? et d'puc'
Y va les cri da un grand caba et aco ça déborde, sa paye, y passe el' pauv' viux.
Laissez mé rire, allez! J'va essayi d'vous donner un' p'tite idée à quoi ça passe sa temps:
En s'levant, 2 pilules pou aller su l'trône et un' aut' pou sa tension, après s'émilli un aut' pou s'narterite et un' aut' pou sa bronchite, pas d'lé 10 heures, 2 cachets pou les ner'fs, vers les 11 heures, un comprimé pou li donner d'l'appétit, après mangi un' poud' pou sa digestion, après 4 heures, un aut' chose pou sa tension, c'n'est mi la min'me qu'au matin et pi après, vers les 6 heures, un suppositoire pou ses mictions et sa constipation, au moment d'souper, 2 dragies pou l'aidi à respirer, après la soupe un' paution pou l'faire digearer et pou aller au lit un calmant pou dormi.
Et n'est un méd'cin qu'ai dit si les malades en' sortons mi avé un' ordonnance bin remplie et bin grabouillie y n'e r'vinron pu m'woir. Y croiront qu'on s'n'occupe mi d'zeux.
Mi l'ricaneux, j'dis qu'on n'peux mi mett' tous les méd'cins et les malades da l'même sac!
Pendant qu'vous z'ète la passqué j'vous z'ai fait v'ni pou m'n'assurance su la vie si vous pouvez woir à ma tension ?
Tin qu'a ti !
Et y sort un' petit' poire ed sa musette et y m'serre el bras avé d'l'élastic coumme une jarr'tière à moman, n'ava coumme un' petit' montre au milliux et y s'met à gonfler c'machine la qu'éta coume un' poire à lavement ni pu ni moins qu'el garagiste qui s'occupe dé vos pneux et qu'on woit l'aiguille qui gigote... pou 'la tension c'est juste.
En' sale mi trop ta mangi et n'sucre mi trop ta café émilii au matin.
Et si vous pouvez em' douner un fortifiant?
Tais d'tè ! Ça d't'dounrais un coup d'fouet bin sûr et pi après, tu s'rais pu odé qu'avant.
J'voudrau bin yoque pou dormi.
Ah ! Non! Non! J'té dis non! Si j'té doune un ingrédiant, tu n'pourais pu ta passer, et la fois d'après, y faurait qu'ej' ta doune un pu fort et d'puc ta tête el tourn'rait quand tu t'lèv'rais.
Va da l'bois respiré la boun' air.
Ah ! Si tu fumau moins, et si tu avalau moins d'pékets, tu dormirau sûr'ma miux. Heureus'ma qu'tu z'ai un bon coffre. J'en'té fait pon d'ordonnance, ça n'a vau pas la pain'e, tant pi pou l'pharmacien, si y sava ça, y s'ra arrragi, y n'ai d'ja pon vu d'grippe c't'année ci et les viux disint l'infuenza n'est mi passé, y faut dire qu'pou s'débarrasser d'leu fièvre, y faisint des brûlots jusqu'à tremper leu sommiis.
Er' met ta pal'tot et pense à c'que j't'ai dit... Pu d'tabac et pu d'gouttes,
